أنســــــــــــاك !!!
أنساكْ كِلمةٍ مالها أيَّة وجُود بمرْجِعي
والقلب لا مِنَّه نِوَى غِيرِك حبيبي بَمْنعَه ْ
تنتابْني ذكراك ما بين الوَعي والاوعي
والشًّوق لكْ صَار فِيني أنينٍ أَسْمَعَه ْ
لا تِسألواْ يا بشر عن اللي صاير معي
ترى قلبي وعقلي وحواسي كلها معه ْ
تفداه كلْ الروح وكَلْ اللي بِقى من دمعي
وإن يوم قالوا انَّه نِسانِي..القولْ مابي أسمعَه ْ
له عيونٍ يا بشرْ سَلّمْتها طُوعِي
مثل البحرْ تاهتْ فيه السُّفن والأشرعه ْ
إذا جَا طرف عينَه بِعينِي جَاني مصرعِي
عُمْركُم عَرفتُم أحد مثلي يحبْ مصْرعَه ْ ؟!!!
وإن شِفْتَهْ لِغِيري يبتِسم أسْكت مِدِّعِي
إني بخير..وفي القلب نار تولّعَه ْ
صاير بدمِّي أغلى من هَلِي وربعي
ماقُولْ غير الله ربي يحفظه ويرعه ْ
...